Hvað er eiginlega hægt að gera með krökkunum á Vestfjörðum? Eða á Höfuðborgarsvæðinu? Hvað get ég gert með þriggja ára stelpunni minni í jólafríinu? 

Þetta eru spurningar sem fólk hefur spurt sig m.a. þegar skipuleggja á ferðalag eða þegar drepa þarf tímann í heima í vetrarfríinu. Hér á þessari síðu ætlum við hjá Heimilisvefnum að taka saman lista af hlutum sem krakkar geta gert víðs vegar um landið. Listarnir verða uppfærðir reglulega með nýjum hugmyndum og annað tekið út sem á ekki við lengur. Á listunum ættu allir að geta fundið eitthvað við sitt hæfi, þó hver og ein einasta hugmynd höfði kannski ekki til allra. Sumir krakkar hafa gaman af söfnum, önnur ekki. Sum börn elska fjallgöngur, en önnur myndu heldur vilja fara í fjöruferð.