cloe – Síða 6 – Heimilisvefurinn

Hugmyndir fyrir 17. júní

Hæ, hó, jibbí jei! Það er að koma 17. júní! Hvað ætlar þú að gera til að fagna þjóðhátíðardeginum í ár? Sum ætla sjálfsagt að kíkja á skipulagða dagskrá og hugsanlega fá sér köku í tilefni dagsins. Önnur gera ekkert sérstakt á þessum degi. Íslendingar gætu og mættu alveg gera meira úr þessum degi en gert er núna. Hinum megin við hafið halda Norðmenn rækilega upp á sinn dag, 17. maí, með skrúðgöngum og skála í mímósum yfir morgunmatnum.

Við hjá Heimilisvefnum værum til í að sjá Íslendinga halda betur og meira upp á þennan dag, bæði fyrir okkur fullorðnu og fyrir krakkana. Munum að það er í okkar höndum að búa til hefðir og skapa minningar fyrir næstu kynslóð. Ef við búum til okkar eigin góðu 17. júní-hefðir munu börnin vilja halda áfram með þær þegar þau vaxa úr grasi fyrir sín eigin börn. Og það er sko ýmislegt skemmtilegt hægt að gera í tilefni þessa merkilega dags.

Hér eru nokkrar hugmyndir að skemmtilegum hlutum til að gera á 17. júní – að mörgu leyti er 17. maí Norðmanna innblásturinn að hugmyndunum.

Skreytingar

Áður en dagurinn rennur upp er hægt að fara að byrja að skreyta heima hjá sér. Skreytingarnar þurfa ekki að vera flóknar og best er ef hægt er að nota þær ár eftir ár. Hægt er að kaupa íslenska fána af öllum stærðum og gerðum, servíettur, blöðrur, fánalengjur eða veifur o.fl. í búðum sem sérhæfa sig í partýskrauti. En fjölskyldan getur líka átt góða stund við að föndra skraut sjálf. Svo er fallegt að kaupa blómvönd í tilefni dagsins. Ef þið eigið fánastöng er auðvitað alveg nauðsynlegt að flagga.

Um gasblöðrur og fleira

Þetta tengist svolítið skreytingunum hér að ofan. Á 17. júní er auðvitað alveg klassískt að börnin fái gasblöðrur. Þetta er eitthvað sem mætti þó hreinlega sleppa. Því bæði búum við til óþarfa plastrusl og erum að sóa dýrmætri helíumauðlindinni. Stjörnu-Sævar útskýrði þetta vel og rökstuddi í Facebook-færslu fyrir 17. júní árið 2020. Í stað gasblaðra er miklu betra að kaupa sér íslenskan fána til að veifa og hann er hægt að nota ár eftir ár. Fáni, candyfloss, pylsa og hoppukastali – þurfa börnin eitthvað meira en það?

Skipulög dagskrá og skrúðganga

Ef einhver skipulögð dagskrá eða skrúðganga er í þínu bæjarfélagi er auðvitað einfalt að kíkja á það. Skemmtunin er oft miðuð að börnum á leikskólaaldri svo þetta er kannski ekki spennandi fyrir alla aldurshópa en stundum er eitthvað eins og andlitsmálning og hoppukastalar í boði líka. Ræðuhöldin höfða sennilega til fárra af yngri kynslóðinni (og líka þeirrar eldri reynar). Munið eftir fánum til að veifa!

Klæðnaður

Sama hvað þú kýst að gera á þessum degi er samt mjög einfalt að fara að minnsta kosti í fín föt. Þetta er einn af þessum dögum þar sem hægt er að dusta rykið af gamla þjóðbúningnum hennar ömmu og nota hann. Við hin, sem eigum ekki þjóðbúning, getum bara farið í venjuleg fín föt.

En talandi um klæðnað, að þá er gott að vera við öllu búin hvað veður varðar. Við búum jú á Íslandi og hér er allra veðra von, líka í júní.

Matur og fjölskylda

Það sem Norðmenn gera svo vel á þessum degi er að hitta vini og ættingja, oftast í morgunmat, bröns, kaffiboð eða grill um kvöldið. Þetta er vel hægt að gera hér. Bjóða vinum og/eða fjölskyldunni í morgunmat eða bröns og borða góðan hátíðarmat saman og skála í mímósum, freyðivíni – ja, eða bara eplasíder. Skipulögð dagskrá er oft á milli 11 og 15 á daginn svo ef maður vill halda áfram með að bjóða fólki heim eða fara í boð er hægt að vera með kaffiboð seinni partinn eða grillveislu um kvöldið. Hver hefur það eins og hann vill. Nokkrar hugmyndir að þjóðlegum bröns eða kaffiboði væri að hafa:

Íslenskar pönnukökur, lummur eða vöfflur
Hjónabandssæla
Flatkökur með hangikjöti
Rúgbrauð með smjöri
Brauðterta og/eða heitur brauðréttur
Rjómaterta (að sjálfsögðu skreytt með jarðarberjum og bláberjum)
Kleinur

En auðvitað er hægt að hafa hvað sem er.

Leikir í garðinum

Tengt því að hitta fjölskylduna og vinina í mat þá er hægt að vera með leiki fyrir krakkana í garðinum. Sérstaklega á þetta vel við ef það er engin skipulögð dagskrá í bæjarfélaginu. Það er til dæmis hægt að fara í pokahlaup, stófiskaleik, fótbolta, pílu, badminton eða blása sápukúlur eða búa til einhverja þrautabraut eða þrautir fyrir þau. Önnur hugmyndi væri að hafa skrúðgöngu í kringum húsið eða dansa konga. Hvetjum fullorðna fólkið eindregið til að vera með í fíflalátunum.

Ef maður á ekki garð er vel hægt að fara í einhvern almenningsgarð eða grasflöt í nágrenninu.

Sjónvarpið

Rétt eins og mörgum finnst ómissandi að hafa kveikt á messunni yfir jólamatnum á aðfangadagskvöld til að skapa réttu stemninguna er hægt að hafa kveikt á sjónvarpinu yfir daginn. Það þarf ekkert endilega að horfa með heilum hug á hátíðardagskránna við Austurvöll en það er pínu hátíðleiki í því að hafa kveikt á þessu í bakgrunni. Á RÚV er þó nokkur hátíðardagskrá þennan dag. Um kvöldið getur svo fjölskyldan sest saman eftir daginn og horft á stórmyndina Með allt á hreinu (árið 2023 allavega).

Aðrar hugmyndir

Það er margt annað hægt að gera á 17. júní en bara þetta. Það er líka hægt að fara í sund og fá sér ís á eftir. Það er mjög íslenskt. Eins er hægt að fara í fjallgöngu og kannski taka með sér sparinesti og borða á toppnum. Eða sleppa fjallinu og fara í göngutúr og stoppa á einhverjum fallegum og góðum stað til að borða nesti. Nestið getur alveg verið frekar hátíðlegt, t.d. pönnukökur, kleinur, hjónabandssæla og flatkökur. Það er líka hægt að gera þetta að hjólatúr. Ef veðrið er ekki gott, eins og gerist nú nokkuð oft á 17. júní á Íslandi er hægt að fara í bíltúr eitthvert og fá sér svo kannski ís líka. Allt er þetta mjög íslenskt og skemmtilegt. En fyrst og fremst snýst þetta um að gera eitthvað með fjölskyldunni og okkar nánustu. Flest börn óska sér einskis heitar en að fá að vera meira með foreldrum og fjölskyldu.

Að lokum eru hér litamyndir með 17. júní-þema. Ein myndin er af íslenska fánanum og hana er hægt að nota til að skreyta.

Góða skemmtun og til hamingju Ísland!

Hugmyndir fyrir 17. júní Read More »

10 hlutir til að gera með 0-2 ára barni í sumar

0-2 ára, börn, Fjölskyldan, samvera

10 hlutir til að gera með 0-2 ára barni í sumar

Fyrstu tvö árin í lífi barnsins eru alveg einstök. Þau eru að uppgötva ALLT og læra eitthvað nýtt á hverjum einasta degi. Þau fara úr því að vera algjörlega ósjálfbjarga og varnarlaus yfir í að geta gengið, hlaupið, talað, borðað sjálf og svo margt fleira.

Það eru alveg takmörk fyrir því hvað svona lítil börn geta gert. Þau reyna gjarnan að stinga hlutum sem þau finna í munninn á sér, sum eru ekki farin að ganga og þessi yngstu leggja sig oft yfir daginn. Á móti kemur að fyrir þeim er flest allt nýtt og spennandi og það þarf yfirleitt ekki að hafa mikið fyrir því að hafa ofan af fyrir þeim.

Heimilisvefurinn hefur tekið saman tíu einfaldar hugmyndir að hlutum til að gera með allra yngstu börnunum í sumar sem allir ættu að geta gert með þeim óháð búsetu.

1. Fjöruferð

Litlum börnum finnst mjög gaman að leika sér í sandinum og skoða allt sem leynist í fjörunni. Það getur verið sniðugt að taka sandkassadót með sér en það er ekki nauðsynlegt. Það er alveg hægt að leika með skeljar og greinar og annað sem maður finnur úti í náttúrunni. Svo er tilvalið að taka með sér nesti og gera sér ágætlega langa ferð úr þessu.

2. Leika í sandkassa

Eins og áður sagði hafa lítil börn mjög gaman af því að leika sér í sandi. Sandurinn getur alveg verið í garðinum heima eða á næsta róló. Gaman er að taka með sér fötu og skóflu til að leika með. Ef veðrið býður ekki upp á að leika úti í sandkassa er hægt að búa til svokallaðan leiksand. Leiksandur er búinn til úr hráefnum sem finnast í flestum eldhúsum og er því alveg ætur ef krökkunum langar að smakka sandinn. Það er t.d. hægt að búa til leiksand með því að mala cheerios eða blanda saman 8 pörtum af hveiti við 1 part af matarolíu (t.d. 4 dl hveiti og ½ dl matarolía). Svo þarf bara að finna eitthvað skemmtilegt dót til að leika með í sandinum eða fela dót í honum.

3. Sulla

Fátt finnst börnum skemmtilegra en að fá að sulla í vatni. Það eru margar útfærslur af sullinu og vel hægt að vera með það inni ef veðrið er ekki gott, eins og gerist reglulega á Íslandi þótt það eigi að vera sumar. Innisull er hægt að framkvæma í sturtunni eða baðinu (eða jafnvel í vaski) og leyfa þá barninu að fá ílát úr eldhúsinu til að sulla með. Ef veður leyfir er hægt að sulla úti í garði eða á svölunum. Skemmtilegast er að fá nokkur ílát og volgt vatn, eitthvað til að hræra með og annað sem manni dettur í hug. Þau geta dundað sér við þetta í dágóðan tíma. Klæddu barnið eftir veðri og þó það sé ekki sól er vel hægt að sulla í pollagalla og hlýjum fötum.

4. Sund

Það er mjög gaman að fara með börnum í sund. Þessi allra yngstu þurfa helst að vera í innilaug, sérstaklega ef það er kalt. Það þarf líka að muna að verja börnin fyrir sólinni. Eldri börnin geta auðvitað farið í sund í útilaugum og vaðlaugum. Ef foreldrarnir nenna ekki í sund með barninu þá er til önnur lausn; uppblásin sundlaug á svölunum eða í garðinum. Þau elska þetta flest og gaman er að fá eitthvað dót með sér í sundlaugina. Önnur hugmynd er að sameina boltalandið og uppblásnu sundlaugina og búa til sundboltaland. Eldri systkini hefðu sjálfsagt líka gaman af því.

5. Blása sápukúlur

Það síðasta vatnstengda er einfalt. Að blása sápukúlur með barninu, eða fyrir það. Fæst börn hafa styrkinn í að blása sápukúlur en hafa oft gaman af því að reyna að ná þeim. Það eru líka til alls konar sápukúluvélar sem blása fyrir mann og þá geta foreldrarnir tekið betur þátt í fjörinu.

6. Göngutúr

Það er alltaf gott og endurnærandi að fara í gönguferð. Þetta þarf ekki að vera flókið. Foreldrið röltir um nágrennið á meðan barnið sefur, ef það er ungt. Ef barnið er orðið eldra er hægt að hafa það í kerru og leyfa því að njóta umhverfisins og jafnvel stoppa á róló af og til.

7. Lautarferð

Lautarferð er nátengd göngutúrahugmyndinni hér að ofan en í þetta skiptið er markmiðið að taka með sér nesti í göngutúrinn og finna sér svo einhvern góðan stað til að borða mat saman. Reyndar þarf ekki einu sinni að fara lengra en út í garð.

8. Skógarferð

Gaman er að gera sér ferð í næsta skóg eða skógrækt. Í skóginum er margt að skoða; greinar, könglar, skordýr og fleira. Yngstu börnin geta verið í burðarpoka en þau sem eru farin að ganga geta spreytt sig á að ganga í nýju og krefjandi umhverfi. Ekki er vitlaust að taka með nesti.

9. Kríta

Að kríta er eitthvað sem smábörn og eldri börn geta notið saman. Yngri börnin geta kannski ekki teiknað fallegar myndir ennþá en þeim finnst þau hluti af hópnum ef þau fá að vera með.

10. Mála með fingramálningu

Að mála með fingrunum er góður skynjunarleikur fyrir börn. Annað hvort er hægt að kaupa fingramálningu án allra eiturefna eða að búa til alveg örugga málningu með því að blanda saman mismunandi matarlitum við jógúrt. Þá er ekkert mál þótt eitthvað fari í munninn. Svo þarf bara að finna stað fyrir þau að mála á. Þetta verður subbulegt svo sturtan eða baðkarið er ágætiskostur ef ekki er í boði að vera úti.

10 hlutir til að gera með 0-2 ára barni í sumar Read More »

Skemmtileg tjaldsvæði fyrir fjölskyldur – á Suðurlandi

ferðalög, Fjölskyldan, innanlands

Skemmtileg tjaldsvæði fyrir fjölskyldur - á Suðurlandi

Á Suðurlandi er margt hægt að gera og skoða með krökkunum. Suðurlandið á margar af helstu náttúruperlum Íslands og þangað sækja ansi margir ferðamenn sem koma hingað til lands. Það er virkilega gaman að ferðast um Suðurlandið og ekki verra að gista á flottu tjaldsvæðunum þar.

Hér er listinn sem Heimilisvefurinn tók saman af mest spennandi tjaldsvæðunum fyrir fjölskyldur með börn fyrir komandi útilegur í sumar. Til þess að komast á listann þarf að vera afþreying fyrir börn á eða alveg við tjaldsvæðið. Þetta eru t.d. tjaldsvæði sem eru til dæmis nálægt sundlaugum og skólum eða tjaldsvæði sem hafa eitthvað sérlega spennandi fyrir krakkana að dunda eða leika með.

14. Tjaldsvæðið á Eyrarbakka

Tjaldsvæðið á Eyrarbakka er staðsett nálægt fjörunni og því er auðvelt að fara í fjöruferð. Þar er leikvöllur fyrir krakkana og góðar gönguleiðir.

13. Tjaldsvæðið við Geysi í Haukadal

Við Geysi í Haukadal er að finna gott tjaldsvæði. Þar er flottur leikvöllur fyrir börnin og fullt er af góðum gönguleiðum í næsta nágrenni. Tjaldsvæðið er einnig í göngufæri við hverina og Haukadalsskóg.

12. Tjaldsvæðið á Víðistaðatúni í Hafnarfirði

Hver segir að maður geti ekki farið í útilegu á höfuðborgarsvæðinu? Á tjaldsvæðinu á Víðistaðatúni í Hafnarfirði er nóg hægt að gera. Þar er leikvöllur og ærslabelgur, tjörn, stutt í hraunið og hægt að fara í frisbígolf. Svo er líka listaverkagarður skammt frá.

11. Tjaldsvæðið í Úthlíð í Biskupstungum

Í Úthlíð í Biskupstungum er rekin alhliða ferðaþjónusta. Á tjaldsvæðinu er leikvöllur fyrir börnin og hægt er að komast í sund og heita potta á svæðinu.

10. Tjaldsvæðið Árnesi

Tjaldsvæðið Árnesi er í fallegu umhverfi og þar er leikvöllur, sundlaug og fótboltavöllur.

9. Tjaldsvæðið Reykholti

Tjaldsvæðið í Reykholti er fjölskyldusvæði og þar er gott leiksvæði fyrir börn. Stutt er í bæði sundlaug og grunnskóla staðarins.

8. Tjaldsvæðið í Hveragerði

Tjaldsvæðið í Hveragerði er vel staðsett og þar er leikvöllur fyrir krakkana. Gönguleið liggur í gegnum tjaldsvæðið og hinum megin við götuna er grunnskóli bæjarins og því er stutt að fara á flottan leikvöll. Sundlaugin er einnig skammt frá.

7. Tjaldsvæðið Þakgili

Það sem gerir þetta tjaldsvæði einstakt og virkilega spennandi er staðsetningin og umhverfið. Leikvöllur er á svæðinu fyrir börnin en það er spennandi upplifun að prófa matsalinn, sem er inni í náttúrulegum helli. Gönguleiðir eru allt í kring í þessu magnaða umhverfi.

6. Tjaldsvæðið Vatnsholti

Tjaldsvæðið er staðsett við Hótel Vatnsholt í Flóahreppi. Þar er flott leiksvæði fyrir krakkana. Þá er einnig hægt að fara í fótboltaminigolf og fótbolta. Á veitingastaðnum er hægt að komast í billjard, pílu og fótboltaspil.

5. Tjaldsvæðið Hraunborgum í Grímsnesi

Tjaldsvæðið er mjög barnvænt og þar er fullt af leiktækjum fyrir börnin. Sundlaug er staðsett alveg við tjaldsvæðið og það er því afskaplega stutt í sund.

4. Tjaldsvæðið Þorlákshöfn

Í Þorlákshöfn er fínasta tjaldsvæði sem er staðsett á góðum stað, rétt við íþróttamiðstöð bæjarins og grunnskólann. Það er því stutt í sund og á góðan leikvöll fyrir krakkana. Auk þess er svo auðvitað leikvöllur á tjaldsvæðinu sjálfu.

3. Tjaldsvæðið á Flúðum

Á tjaldsvæðinu á Flúðum er flott leiksvæði fyrir börnin og gönguleiðir í næsta nágrenni. Það sem gerir þetta tjaldsvæði þó extra skemmtilegt er Litla-Laxá sem rennur í gegnum það. Þar geta krakkarnir leikið og sullað tímunum saman.

2. Tjaldsvæðið Hellishólum

Á Hellishólum er glæsilegt tjaldsvæði fyrir fjölskyldur. Þar er stórt leiksvæði fyrir börn og heitur pottur. Hægt er að veiða í vatninu og golfvöllur er á staðnum. Lækur rennur við tjaldsvæðið og þar getur verið gaman að sulla.

1. Tjaldsvæðið Úlfljótsvatni

Við Úlfljótsvatn er glæsilegt tjaldsvæði sem Útilífsmiðstöð skáta hefur byggt upp. Auk þess að það eru ótal leiktæki á svæðinu er veiðileyfi innifalið í gjaldinu og krakkarnir geta leigt hjólabáta um helgar. Reyndar er boðið upp á fjölbreytta dagskrá allar helgar í sumar þar sem fjölskyldur geta leigt báta, prófað bogfimi, klifur og fleira. Vatnasafarí og þrautabraut á staðnum, auk fótbolta- og frisbígolfvalla. Hundar eru leyfilegir á tjaldsvæðinu.

Skemmtileg tjaldsvæði fyrir fjölskyldur – á Suðurlandi Read More »

Nytjamarkaðir og loppur um allt land

Heimilishald, Sparnaðarráð

Nytjamarkaðir og loppur um allt land

Eitt besta sparnaðarráð sem hægt er að gefa er að kaupa sem mest notað. Nytjamarkaðir og loppur eru yfirfullar af hlutum sem fólk er búið að losa sig við eða er að reyna það. Það er hægt að gera verulega góð kaup á slíkum stöðum og spara sér oft mörg þúsund krónur. Það leynast oft ótrúlegustu hlutir á svona mörkuðum, suma þarf kannski að gera örlítið við en aðrir eru alveg heilir og fínir.

Hér í þessari færslu verður ekki farið nánar út í kosti þess (eða galla) að versla notaða hluti í stað nýrra. Það verður gert seinna.

Heimilisvefurinn hefur tekið saman, vonandi sem flesta, nytjamarkaði og loppur sem eru starfandi á Íslandi í dag. Antíkbúðir eru ekki með í þessari upptalningu, því þær eru oft dýrar og því ekki beint hægt að spara neitt við að versla við þær.

Austurland

Fjarðabyggð

Fjarðabásar

Í Molanum á Reyðarfirði.

Opið miðvikudaga, fimmutdaga og föstudaga kl. 14-18 og frá 12 til 16 um helgar.

Fjarðabásar er básaleiga og þar er hægt að selja fatnað og fylgihluti.

Litla Rauðakrossbúðin á Stöðvarfirði

Í samkomuhúsinu, gengið inn að ofanverðu

Opið 13-15 á laugardögum (yfir veturinn?)

Rauðakrossbúðin á Eskifirði

Staðsett á efri hæð Kjörbúðarinnar

Steinninn

Egilsbraut 8, Neskaupstað

Opið 16-18 á miðvikudögum og 13-15 á laugardögum

Múlaþing

700básar

Tjarnarbraut 21 á Egilsstöðum

Opið þriðjudaga til föstudaga frá kl. 15-18 og kl. 12-15 um helgar.

700básar er básaleiga fyrir föt og fylgihluti en einnig er hægt að kaupa hluti í vefverslun.

Rauðakrossbúðin á Djúpavogi

Bakka 3

Rauðakrossbúðin á Egilsstöðum

Dynskógum 4

Opið 16-18 á þri, mið og fim og 12-14 á laugardögum

Hjá Rauða krossinum á Egilsstöðum fæst allt frá fötum og upp í húsgögn.

Höfuðborgarsvæðið

Allt er mögulegt

Ingólfsstræti 19 í Reykjavík

Opið 14-18 á þriðjudögum og fimmtudögum

Á markaðnum fást föt, bækur og ýmsir hlutir.

Barnaloppan

Skeifunni 11A í Reykjavík

Opið 11-18 alla virka daga nema fimmtudag en þá er opið til 21, 11-17 um helgar

Í Barnaloppunni selur fólk föt og hluti tengda börnum og meðgöngu.

Basarinn

Austurveri, Háaleitisbraut 68 í Reykjavík

Opið 12-18 alla virka daga, lokað um helgar

Nytjamarkaðurinn er rekinn af Sambandi íslenskra kristboðsfélaga. Á markaðnum fást föt, bækur og smáhlutir.

Elley

Austurströnd 10 á Seltjarnarnesi

Opnunartímar mismunandi en auðvelt að sjá þá á Facebooksíðu búðarinnar.

Allur ágóði af sölu í Elley rennur til kvennaathvarfsins.

Extraloppan

Smáralind í Kópavogi

Opið 11-19 alla virka daga, 11-18 á laugardögum og 12-17 á sunnudögum

Í Extraloppunni selur fólk föt og fylgihluti sem það er hætt að nota.

Fjölskylduhjálp Íslands

Iðufelli 14 í Reykjavík

Opið 13-17 alla virka daga

Á nytjamarkaðnum fæst allt frá fatnaði til húsgagna.

Fríbúðin

Bókasafninu Gerðubergi í Reykjavík

Opið 8-18 á mán, þri og fim, 8-20 á miðvikudögum, 8-16 á föstudögum og 10-17 á laugardögum

Í Fríbúðinni er hægt að fá alls kyns hluti fyrir heimilið og bækur alveg ókeypis! Í raun er þetta eins konar skiptimarkaður frekar en nytjamarkaður því það er líka hægt að koma með heila og vel með farna hluti til að skilja eftir.

Gallerí Fló – eingöngu á netinu núna

Gufunesvegi 17 í Reykjavík

Opið 11:30-18 alla virka daga og 12-16 um helgar.

Gallerí Fló er nytjamarkaður í einkaeigu. Þar er hægt að finna allt fá húsgögnum til fata.

Góði hirðirinn

Köllunarklettsvegi 1 í Reykjavík

Opið 11-18 alla virka daga og 11-17 um helgar

Í Góða hirðinum fást alls kyns hlutir af öllum gerðum og stærðum en minna er af fatnaði og vefnaðarvöru.

Gullið mitt

Smiðjuvegi 4a í Kópavogi

Opið 11-18 alla virka daga og 12-16 á laugardögum.

Í Gullinu mínu selur fólk föt og hluti sem það er hætt að nota.

Hertex, fata- og nytjamarkaður Hjálpræðishersins

Vínlandsleið 6 í Reykjavík

Opið 11-17 alla virka daga og 12-16 á laugardögum

Hringekjan

Þórunnartúni 2 í Reykjavík

Opið 12-18 alla virka daga, 12-17 á laugardögum og 12-16 á sunnudögum

Í Hringekjunni selur fólk föt og fylgihluti sem það er hætt að nota.

Kotið – fatamarkaður

Eskihlíð 4 í Reykjavík

LOKAÐ – þar til nýtt húsnæði finnst

Á markaðnum fást aðallega föt en eitthvað er til af bókum og smáhlutum.

Nytjamarkaður ABC barnahjálpar

Nýbýlavegi 6 í Kópavogi og Laugavegi 118 í Reykjavík

Opið 12-18 alla virka daga og 12-16 á laugardögum

Á Nýbýlavegi er eru föt, heimilistæki, húsgögn o.fl. til sölu en aðallega eru föt til sölu á Laugavegi. Nytjamarkaðirnir eru reknir til styrktar starfinu í ABC barnahjálp.

Rauðakrossbúðin á Laugavegi

Laugavegi 12 í Reykjavík

Opið 10-18 alla virka daga og 12-16 um helgar

Í búðinni fást föt.

Rauðakrossbúðin í Kringlunni

Kringlunni

Opið skv. opnunartíma Kringlunnar

Í búðinni fást eingöngu föt.

Rauðakrossbúðin í Mjódd

Í Mjóddinni

Opið 10-18 alla virka daga og 12-16 á laugardögum

Í búðinni fást föt, minni hlutir, vefnaðarvara og allt í handavinnuna.

Rauðakrossbúðin við Hlemm

Laugavegi 116 í Reykjavík

Opið 10-18 alla virka daga og 12-16 á laugardögum

Í búðinni fást aðallega föt.

Ríteil

Smáratorgi í Kópavogi

Opið alla virka daga kl. 10-19, á laugardögum kl. 10-18 og á sunndögum kl. 12-18.

Í Ríteil getur fólk selt föt og fylgihluti.

Verzlanahöllin

Laugavegi 26 í Reykjavík (inngangur á Grettisgötu)

Opið 10-18 alla virka daga og 11-18 um helgar

Í Verzlanahöllinni selur fólk föt og fylgihluti sem það er hætt að nota.

Norðurland

Akureyrarbær

Aftur nýtt

Sunnuhlíð 12 á Akureyri

Opið 12-18 alla virka daga og 12-16 á laugardögum

Í Aftur nýtt getur fólk selt föt og fylgihluti sem það er hætt að nota.

Fjölsmiðjan

Furuvöllum 13 á Akureyri

Opið 10-16 á virkum dögum en til 18 á fimmtudögum

Í verslun Fjölsmiðjunnar fást húsgögn og húsbúnaður.

Flóamarkaðurinn í Sigluvík

Sigluvík, Svalbarðsströnd

Opið 13-17 föstudag til sunnudags

Ýmislegt til sölu fyrir heimilið. Mikið vintage.

Hertex, fata- og nytjamarkaður Hjálpræðishersins

Hrísalundi 1b á Akureyri

Opið 12-17 alla virka daga og 12-15 á laugardögum

Lottan

Kaupangi á Akureyri

Opið alla virka daga kl. 12-18 og á laugardögum kl. 12-17.

Í Lottunni getur fólk selt föt og fylgihluti.

Rauðakrossbúðin á Akureyri

Viðjulundi 2 á Akureyri

Opið 13-17 alla virka daga og 12-16 á laugardögum

Á markaðnum fást aðallega föt.

Blönduós

Rauðakrossbúðin á Blönduósi

Húnabraut 13

Opið 14-17 á þriðjudögum

Á markaðnum fást föt, bækur og smáhlutir.

Dalvík

Litla loppan

Hólavegi 15 á Dalvík

Opið 13-17 um helgar

Rauðakrossbúðin á Dalvík

Hafnarbraut 7

Opið 15-17 á miðvikudögum, fimmtudögum og föstudögum

Í búðinni fást aðallega föt.

Fjallabyggð

Rauðakrossbúðin á Ólafsfirði

Strandgötu 23

Opið 13-17 á miðvikudögum

Á markaðnum fást mest föt en eitthvað er til af bókum og öðrum hlutum.

Húnaþing vestra

Nytjamarkaðurinn Hvammstanga

Gamla sláturhúsi VSP

Opið 11-16 á laugardögum á sumrin

Á markaðnum er hægt að fá húsgögn, bækur og alls kyns hluti.

Langanesbyggð

Rauðakrossbúðin á Þórshöfn

Staðsestt í félagsaðstöðu eldri borgara á staðnum

Opið 16-17 á fimmtudögum og 13-15 á laugardögum

Norðurþing

Rauðakrossbúðin á Húsavík

Garðarsbraut 44 á Húsavík

Opið 15-18 á þri og fim og 13-15 fyrsta laugardag hvers mánaðar

Í búðinni fást föt og smáhlutir.

Skagafjörður

Rauðakrossbúðin á Sauðárkróki

Aðalgötu 10

Skagaströnd

Rauðakrossbúðin á Skagaströnd

Vallarbraut 4

Suðurland

Hveragerði

Verahvergi

Austurmörk 1

Opið 11-18 alla virka daga, 12-16 á laugardögum og 12-17 á sunnudögum

Básaleigumarkaður í Hveragerði þar sem fólk getur selt föt og fylgihluti sem það er hætt að nota.

Höfn í Hornafirði

Hirðingjarnir

Ófeigstanga 7 á Höfn

Opið 16:30-18:30 á fimmtudögum

Selfoss

Krílafló

Eyravegi 21

Opið 11-18 alla virka daga og 11-16 á laugardögum

Básaleiga þar sem hægt að kaupa föt og fylgihluti fyrir bæði börn og fullorðna.

Nytjamarkaðurinn Selfossi

Gagnheiði 32

Opið 12-18 alla virka daga og 12-16 á laugardögum

Nytjamarkaðurinn er rekinn af Hvítasunnukirkjunni. Þar fást föt, bækur, smáhlutir, húsgögn o.fl.

Vestmannaeyjar

Kubuneh verslun

Vestmannaeyjabraut 37

Opið 13-17:30 alla virka daga og 12-15 á laugardögum

Í versluninni fást föt með sögu og ýmislegt fleira. Áberandi snyrtileg og fín búð. Allur ágóði rennur til heilsugæslunnar í Kubuneh í Gambíu.

Vosbúð

Flötum 29

Opið 13-18 miðvikudaga til föstudaga og 13-16 á laugardögum (eða eftir samkomulagi)

Í Vosbúð eru húsgögn og ýmsir hlutir til sölu.

Suðurnes

Reykjanesbær

Hertex Reykjanesbæ

Flugvallarbraut 740 í Keflavík (Ásbrú)

Opið 12-17 á þriðjudögum til föstudaga og 12-15 á laugardögum

Á markaðnum fást föt, bækur og smáhlutir.

Fataverslun Rauða krossins á Suðurnesjum

Smiðjuvöllum 8 í Keflavík

Opið 13-17 á miðvikudögum og fimmtudögum

Í versluninni er hægt að fá föt.

Fjölskylduhjálp Íslands

Baldursgötu 14 í Njarðvík

Opið 13-18 alla virka daga

Markaðurinn selur að mestu leyti fatnað.

Trendport

Hafnargötu 60 í Reykjanesbæ

Opið 11-18 alla virka daga og 12-16 á laugardögum

Í Trendport selur fólk föt og fylgihluti sem það er hætt að nota.

Víkurbásar

Hafnargötu 6 í Reykjanesbæ

Víkurbásar bjóða upp á básaleigu fyrir fatnað og fylgihluti.

Vestfirðir

Ísafjarðarbær

Nytjamarkaður Vesturafls

Suðurgötu 9 á Ísafirði

Opið 10-16 á virkum dögum nema á fimmtudögum frá 10-18

Á markaðnum fæst fatnaður, smávara, skór, bækur og margt fleira.

Vesturbyggð

Nytjamarkaður Rauða krossins í Barðastrandarsýslu

Bjarkargötu 11 á Patreksfirði

Opið 13-15 á laugardögum

Vesturland

Akranes

Búkolla

Smiðjuvöllum 9 á Akranesi

Opið 12-15 á fimmtudögum, föstudögum og laugardögum

Á markaðnum fæst allt frá fatnaði til húsgagna.

Borgarbyggð

Nytjamarkaður Körfuknattleiksdeildar Skallagríms

Brákarbraut 27 í Borgarnesi

Opið 17-20 á fimmtudögum, 14-18 á föstudögum og 12-16 á laugardögum

Á markaðnum fást húsgögn, bækur, smáhlutir o.fl.

Rauðakrossbúðin í Borgarnesi

Borgarbraut 22

Opið 15-18 á föstudögum og 13-16 á laugardögum

Í búðinni fást aðallega föt.

Dalabyggð

Dísubúð

Vesturbraut 10 í Búðardal

Stykkishólmur

Genbrug

Nesvegi 13

Opið mánudaga, miðvikudaga og föstudaga kl. 14-18 og laugardaga kl. 12-15. Síðan er opið fyrsta fimmtudag hvers mánaðar kl.19:30 – 21.

Básaleiga þar sem hægt að kaupa föt og fylgihluti fyrir bæði börn og fullorðna.

Vefverslanir og öpp

Barnamarkaðurinn

Á Barnamarkaðnum er hægt að kaupa notaðar vörur og fatnað fyrir börn.

Góði hirðirinn

Fyrir þau sem ekki komast í Góða hirðinn í Reykjavík er hægt að notast við vefverslun verslunarinnar. Þar er búið að safna saman áhugaverðum hlutum sem ratað hafa í nytjagáma.

Regn

Regn er smáforrit fyrir síma þar sem þú getur selt og keypt notaðar vörur.

Visteyri

Visteyri er vistvænt markaðstorg þar sem þú getur selt og keypt notaðar vörur.

Nytjamarkaðir og loppur um allt land Read More »

Skemmtileg tjaldsvæði fyrir fjölskyldur – á Austurlandi

ferðalög, Fjölskyldan, innanlands

Skemmtileg tjaldsvæði fyrir fjölskyldur - á Austurlandi

Við höldum áfram umfjöllun okkar á skemmtilegum tjaldsvæðum fyrir fjölskyldur og höldum nú á Austurland. Þessa dagana virðist stefna í gott og hlýtt sumar á því svæði, svo mörg fara eflaust þangað í útilegu í sumar. Eins og áður voru tjaldsvæðin valin út frá því hversu mikil afþreying væri á þeim í allra næsta nágrenni.

Hér eru þau tjaldsvæði á Austurlandi sem okkur á Heimilisvefnum þótti hljóma mest spennandi fyrir fjölskyldur fyrir komandi útilegur í sumar. Þetta eru tjaldsvæði sem eru t.d. nálægt sundlaugum og skólum, tjaldsvæði sem hafa eitthvað alveg einstakt í næsta nágrenni við sig.

9. Tjaldsvæðið á Reyðarfirði

Tjaldsvæðið á Reyðarfirði er staðsett í útjaðri bæjarins og við Andapollinn sem er lítil tjörn. Stutt er út í náttúruna.

8. Tjaldsvæðið á Bakkafirði

Tjaldsvæðið á Bakkafirði er staðsett í miðju þorpinu. Þar er stutt í fjölmargar gönguleiðir en á tjaldsvæðinu er fótboltavölur, ærslabelgur og frisbígolfvöllur.

7. Tjaldsvæðið á Seyðisfirði

Tjaldsvæðið á Seyðisfirði er staðsett mjög miðsvæðis svo stutt er að kíkja á aðalgötuna sem skreytt er í öllum regnbogans litum. Á tjaldsvæðinu er leikvöllur fyrir börn.

6. Tjaldsvæðið í Sandafellsskógi

Eins og nafnið getur til kynna er tjaldsvæðið staðsett í skógivöxnu landi og mikið er af fallegum gönguleiðum en einnig er boðið upp á hestaferðir um skóginn. Um tjaldsvæðið rennur lítill lækur og hann getur haldið börnunum að leik tímunum saman.

5. Tjaldsvæðið í Neskaupstað

Tjaldsvæðið í Neskaupstað er á fallegum útsýnisstað við snjóflóðarvarnargarðana í Drangagili. Á svæðinu er leikvöllur og strandblakvöllur. Hægt er að ganga upp á varnargarðana.

4. Tjaldsvæðin í Hallormsstað - Atlavík og Höfðavík

Tjaldsvæðin í Hallormsstað eru í skógivöxnu umhverfi með yfir 40 km af gönguleiðum á svæðinu. Í skóginum er líka fjölskylduvænt trjásafn með yfir 90 trjátegundir. Leikvöllur og ærslabelgur eru á svæðinu og stutt á “ströndina” við Lagarfljót tjaldi fólk á neðsta svæðinu.

3. Tjaldsvæðið á Breiðdalsvík

Á Breiðdalsvík er fínasta tjaldsvæði í miðjum bænum. Stutt er í sundlaugina og skólalóðina við grunnskólann. Á tjaldsvæðinu sjálfu er leikvöllur.

2. Tjaldsvæðið á Eskifirði

Tjaldsvæðið á Eskifirði er staðsett við Bleiksána og skógrækt er allt í kring. Það eru því fínar gönguleiðir í næsta nágrenni og leikvöllur er á svæðinu. Mjög stutt er í sundlaugina, sem er mjög fín útilaug með þremur rennibrautum og barnavaðlaug.

1. Tjaldsvæðið á Borgarfirði eystra

Tjaldsvæðið á Borgarfirði eystra er staðsett við rætur Álfaborgar og er nálægt allri þjónustu. Í fimm mínútna göngufjarlægð er ærslabelgur og frisbígolfvöllur er inn af tjaldsvæðinu. Gönguleiðir eru fjölmargar allt í kring. Það sem gerir þetta tjaldsvæði hins vegar meira spennandi en önnur tjaldsvæði á Austurlandi, að okkar mati, er það að í þjónustuhúsinu við tjaldsvæðið er rými með litlu bókasafni og spilum, sem er eitthvað sem við höfum ekki rekist á áður á öðrum tjaldsvæðum. Þar að auki er hægt að leigja frisbídiska og fjallahjól í móttökunni.

Skemmtileg tjaldsvæði fyrir fjölskyldur – á Austurlandi Read More »

Bæjarhátíðir sumarið 2023

ferðalög, Fjölskyldan, innanlands

Bæjarhátíðir og viðburðir sumarið 2023

Stór partur af íslenska sumrinu er að skella sér á bæjarhátíð eða aðra viðburði sem haldnir eru víða um land. Á bæjarhátíðunum er gjarnan stútfull dagskrá af viðburðum fyrir alla fjölskylduna. Oft eru bæjarhátíðirnar haldnar til að lokka brottflutta til að kíkja aftur á gamla bæinn sinn en það þýðir ekki að það sé ekki hægt að prófa nýja staði sem maður hefur enga tengingu við. Þá er bara um að gera að panta gistingu eða taka fram útilegubúnaðinn. Ef þú veist ekki hvað er gott að taka með í útileguna eru hér meiri upplýsingar um það.

Heimilisvefurinn hefur tekið saman lista yfir bæjarhátíðir og viðburði sem staðfestir eru í sumar. Listinn verður uppfærður þegar fleiri viðburðir og hátíðir verða staðfest.

Júní

2.- 4. júní – Sjómannadagshelgin

– Fjör í Flóa –

Fjölskyldu- og menningarhátíð í Flóahreppi. Á dagskránni í ár er m.a. útijóga, kökubasar, hjólarallý, kökuskreytingakeppni fyrir krakka, andlitsmálning, landbúnaðartækjasýning og margt fleira.

– Sjómannadagurinn víða um land –

Sjómannadagurinn er haldinn víðs vegar um landið. Heimilisvefurinn hefur þegar fjallað um daginn í annarri færslu.

9.-11. júní

– The Color Run –

Litríkasti viðburður ársins verður haldinn laugardaginn 10. júní í Laugardal í Reykjavík. Í The Color Run hlaupa keppendur 5 km og fá yfir sig litasprengju eftir hvern kílómetra. Ekkert aldurstakmark er í hlaupinu og foreldrum er velkomið að koma með barnavagna. Eftir hlaupið er tónlist og stuð.

16.-18. júní

– Bíladagar á Akureyri –

Bíladagar eru haldnir af Bílaklúbbi Akureyrar.

– Götubitinn í miðbæ Reykjavíkur –

Götubitinn verður í miðbæ Reykjavíkur þessa helgina með alls kyns matarvagna.

– Tónlistarhátíðin Við Djúpið –

Tónlistarhátíðin er haldin á Ísafirði. Á dagskrá eru tónleikar með tónlistarfólki ásamt nemendum á námskeiðum hátíðarinnar.

– Upp í sveit –

Sumarhátíð haldin í Skeiða- og Gnúpverjahreppi.

– Þjóðhátíðardagur Íslendinga 17. júní –

Viðburðir og dagskrá víða um land.

23.-25. júní

– Á fætur í Fjarðabyggð –

Árleg gönguvika í Fjarðabyggð. Verður haldin dagana 24. júní – 1. júlí í ár. Ýmsar gönguferðir, m.a. fjölskyldugöngur í boði og kvöldvökur.

– Bakkafest –

Bæjarhátíð Bakkafjarðar. Í ár koma fram Færibandið, Sérfræingar að sunnan, Rúnar Eff, Júlí Heiðar, Þórdís Björk o.fl.

– Brákarhátíð –

Brákarhátíð er sumarhátíð Borgarbyggðar. Á dagskrá í ár er bátasigling, götulist, útitónleikar, sundlaugarpartý, loppumarkaður o.fl.

– Danskir dagar –

Bæjarhátíð Stykkishólms, Danskir dagar, er ein elsta bæjarhátíð Íslands. Á dagskránni í ár er m.a. garðpartý, brúðusýning, búningahlaup, dorgveiðikeppni fyrir krakkana, þarabolti, nornabrenna og stórdansleikur með Stjórninni.

– Eldur í Húnaþingi –

Bæjarhátíðin Eldur í Húnaþingi er haldin á Hvammstanga. Margt í boði.

– Hofsós heim –

Bæjarhátíð á Hofsósi. Á dagskrá í ár er prjónahittingur, fimleikabraut, karamelluregn, andlistmálun, sápukúlufjör, varðeldur og sykurpúðar og margt fleira.

– Humarhátíð –

Humarhátíð er haldin á Höfn í Hornafirði ár hvert. Á dagskrá í ár eru loppumarkaður, stórdansleikur, brekkusöngur, humarsúpa, hoppukastalar o.fl.

– Hvalfjarðardagar –

Hvalfjarðardagar eru árlegur viðburður í Hvalfjarðarsveit. Þema ársins 2023 er sirkus. Á dagskrá í ár er kvöldvaka, víkingabúðir, skógarjóga, mandölugerð, Sirkus Íslands, hringekja og hoppukastalar, markaðstjöld og margt fleira.

– Jónsmessuhátíð Eyrarbakka –

Jónsmessuhátíð Eyrarbakka er haldin árlega. Í ár eru á dagskrá Latibær, hoppukastalar, víkingatjald, karamellukast, hestvagnaferðir, Jónsmessubrenna í fjörunni og margt fleira spennandi.

– Kjalarnesdagar –

Kjalarnesdagar eru skemmtileg fjölskylduhátíð. Í ár verða karamellukast, markaður og hoppukastalar m.a. á dagskrá.

– Landsmót UMFÍ 50+ –

UMFÍ stendur fyrir landsmóti UMFÍ 50+ sem hefur farið fram síðan 2011. Mótið er opið öllum 50 ára og eldri. Mótið er haldið í Stykkishólmi að þessu sinni (á sama tíma og Danskir dagar).

– Skógardagurinn mikli –

Skógardagurinn mikli er fjölskylduhátíð í Hallormsstaðarskógi og íslandsmeistaramótið í skógarhöggi fer þar fram.

– Sólstöðuhátíð á Kópaskeri –

Bæjarhátíð Kópaskers.

– Sólstöðuhátíð í Grímsey –

Bæjarhátíð Grímseyinga og öllum er boðið að taka þátt í hátíðarhöldunum með heimafólki.

– Sæludagur í Hörgársveit –

Sæludagur í Hörgársveit er árlegur viðburður. Í ár zumba í sundlauginni, markaður, gönguferðir, vöfflukaffi, dansleikur og fleira á dagskrá.

Júlí

30. júní – 2. júlí

– Allt í blóma –

Allt í blóma er fjölskyldu- og menningarhátíð í Lystigarðinum í Hveragerði. Á dagskrá í ár eru m.a. fjölskyldutónleikar, Sirkus Íslands, hoppukastalar, matarvagnar, Solla stirða og Halla hrekkjusvín.

– Bíldudals grænar baunir –

Bæjarhátíð Bíldudals. Á dagskrá í ár er m.a. tónleikar með Eyþóri Inga, golfmót, bumbubolti, dorgveiðikeppni, förðunarnámskeið fyrir unglinga, braunahlaup, markaðstjöld, dýragarður, slackline og margt fleira spennandi.

– Bjórhátíð á Hólum –

Bjórsetur Íslands stendur fyrir bjórhátíð á Hólum þann 1. júlí. Miðasala hafin.

– Bryggjuhátíð á Stokkseyri –

Bryggjuhátíð er bæjar- og fjölskylduhátíð á Stokkseyri. Í ár koma m.a. BMX Brós og Leikhópurinn Lotta fram.

– Hátíðni –

Hátíðni er tónlistarhátíð sem fer fram á Borðeyri við Hrútafjörð. Fjölmargir flytjendur flytja tónlist sína á hátíðinni í ár m.a. KUSK og Óviti.

– Írskir dagar –

Fjölskylduhátíðin Írskir dagar eru haldnir á Akranesi ár hvert og alltaf er fjölbreytt dagskrá fyrir alla fjölskylduna.

– Markaðshelgin –

Markaðshelgin er fjölskylduhátíð í Bolungarvík með markaðstorgi, tónlistaratriðum og leiktækjum. Á dagskrá í ár er skrúðganga, brekkusöngur, markaðstorg, hoppukastalar, andlitsmálning, loftboltar, vatnsrennibraut og margt fleira.

– Ólafsvíkurvaka –

Ólafsvíkurvaka er haldin annað hvert ár í Ólafsvík. Á dagskrá í ár er Lára og Ljónsi, Auddi og Steindi, Íþróttaálfurinn, krakka cross fit, mótorkross, hraðskák, regnbogahlaup og margt fleira.

– Reykjavík Fringe Festival –

Reykjavík Fringe Festival er jaðarlistahátíð í Reykjavík.

7.-9. júlí

– Goslokahátíð –

Í ár fagna Vestmannaeyingar því að 50 ár eru liðin frá því að gosi lauk í Eyjum. Hátíðin er haldin 3.-9. júlí. Á dagskrá í ár eru listasýningar, varðskip til sýnis, Leikhópurinn Lotta, spákona, Stebbi og Eyfi, handverksmarkaður, unglingaball, sundlaugarpartý og margt fleira.

– Hamingjudagar –

Hamingjudagar eru bæjarhátíð Hólmavíkur.

– Hríseyjarhátíð –

Fjölskylduhátíð sem haldin er ár hvert í Hrísey.

– Kótelettan –

Fjölskyldu-, tónlistar- og grillhátíðin Kótelettan er haldin á Selfossi í 13. sinn í ár. Í ár bjóða Selfyssingar upp á tívolí, veltibíl, grill, tónlistarhátíð, Íþróttaálfinn og Sollu, Línu langsokk og margt fleira.

– Støð í Stöð –

Dagana 6.-9. júlí verður bæjarhátíð Stöðvarfjarðar haldin. M.a. koma Vísinda Villi, Páll Óskar og Stebbi Jak fram í ár.

– Sumarhátíð UÍA –

Sumarhátíð UÍA verður haldin helgina 8.-9. júlí 2023.

– Þjóðlagahátíðin á Siglufirði –

Árleg þjóðlagahátíð er haldin á Siglufirði í júlí. Í boði eru tónleikar, dansar, námskeið o.fl.

14.-16. júlí

– Bryggjudagar á Þórshöfn –

Bæjarhátíðin Bryggjudagar er haldin á Þórshöfn. Á dagskrá í ár er Þórhallur Þórhallsson, töframaðurinn Einar Mikael, töfranámskeið og fleira.

– Dýrafjarðardagar –

Dýrafjarðardagar eru haldnir á Þingeyri. Á dagskrá í ár eru Hreimur og Vignir Snær, Jónsi úr Í svörtum fötum, grill, tónlist, leiksýningar og fleira.

– Hlaupahátíð á Vestfjörðum –

Þótt hátíðin heiti hlaupahátíð er einnig keppt í hjólreiðum, skokki, þríþraut og sjósundi á nokkrum stöðum á norðanverðum Vestfjörðum.

– Húnavaka –

Húnavaka er bæjarhátíðin á Blönduósi. Á dagskrá í ár er meðal annars Pallaball, stórdansleikur með Bandamönnum, Benedikt búálfur, Leikhópurinn Lotta, Íþróttaálfurinn og Solla stirða, slackline, brekkusöngur, grill, veltibíllinn, bíósýning, golfmót og margt fleira.

– LungA –

LungA er listahátíð sem er haldin á Seyðisfirði ár hvert. Listum, sköpun og menningu er fagnað með námskeiðum, fyrirlestrum og ýmsum viðburðum. Í ár er hátíðin haldin dagana 9.-16. júlí.

– Náttúrubarnahátíð á Ströndum –

Náttúrubarnahátíð á Ströndum er ókeypis fjölskylduhátíð sem haldin verður á Sauðfjársetrinu í Sævangi á Ströndum. Á hátíðinni gefst gestum tækifæri til að finna og rækta náttúrubarnið í sér á skemmtilegri dagskrá sem er fulla af fróðleik og fjöri.

21.-23. júlí

– Götubitahátíð –

Götubitahátíð er haldin í Hljómskálagarðinum í Reykjavík. Á svæðinu verða 30 matarvagnar eða sölubásar og keppt verður í „besta götubita Íslands“. Leiktæki og leiksvæði fyrir börn og tónlistaratriði.

– Sápuboltinn –

Keppt verður í sápubolta á Ólafsfirði þessa helgi, krakkasápubolti á föstudegi og fyrir fullorðna á laugardegi. Á dagskrá (fyrir utan keppnina) er ball með Stuðlabandinu, brekkusöngur, skrúðganga, útiskemmtun þar sem Diljá tekur lagið og lokapartý.

– Sumar & bjórhátíð LYST –

Laugardaginn 22. júlí stendur LYST fyrir sumar- og bjórhátíð í Lystigarðinum á Akureyri. Fjölmörg brugghús verða með sumarbjóra sína á dælu og ýmislegt góðgæti verður í boði með. Lifandi tónlist, sól og blíða.

– Ögurballið –

Fyrir þau sem vilja fá að upplifa alvöru sveitaball er Ögurballið alveg málið. Ballið er haldið í litlu samkomuhúsi í Ögri í Ísafjarðardjúpi. Hægt er að gista á tjaldsvæðinu, fá sér smá rabarbaragraut með rjóma og dansa langt fram á nótt. 18 ára aldurstakmark.

28.-30. júlí

– Bræðslan –

Bræðslan er tónlistarhátíð á Borgarfirði eystra, sem hefur verið haldin síðan 2005. Í ár koma Maus, Bríet, Laddi, Karlotta, Una Torfa og Jói Pé & Króli fram.

– Franskir dagar –

Franskir dagar á Fáskrúðsfirði er menningarleg bæjarhátíð með frönsku ívafi. Í ár eru Íþróttaálfurinn og Solla stirða, BMX brós og Stuðlabandið m.a. á dagskrá.

– Mærudagar –

Bæjarhátíð Húsavíkur þar sem alltaf er nóg um að vera.

– Reykholtshátíð –

Yfirskrift hátíðarinnar er sígild tónlist í sögulegu umhverfi. Hátíðin er haldin í Reykholtskirkju í Reykholti og er sannkölluð veisla fyrir unnendur klassískrar tónlistar.

– Smástund í Grundarfirði –

Bæjarhátíð Grundfirðinga. Hefur heitið Á góðri stund í Grundarfirði hingað til en hátíðin verður með minna sniði þetta árið.

– Trilludagar á Siglufirði –

Trilludagar eru fjölskylduhátíð með áherslu á sjóinn. Í boði er sjóstöng, siglingar, matur, menning og skemmtun fyrir alla fjölskylduna.

Ágúst

4.-7. ágúst – Verslunarmannahelgin

– Berjadagar –

Berjadagar er þriggja daga klassísk tónlistarhátíð í Ólafsfirði. Í ár verða frumflutt íslensk verk og kammermúsík frá ýmsum löndum, listasýning utan dyra, tónlistarviðburðir og fleira.

– Ein með öllu –

Ein með öllu er fjölskylduhátíð á Akureyri. Á dagskránni í ár er m.a. húllhringjagerð, tívolí, krakkahlaup í Kjarnaskógi, böll, evrópumót í torfæru, grill og margt fleira.

– Hjalteyrarhátíð –

Hjalteyrarhátíð er haldin á Hjalteyri við Eyjafjörð um verslunarmannahelgina.

– Innipúkinn –

Innipúkinn er tónlistarhátíð fyrir höfuðborgarbúana sem nenna ekki í útilegu um verslunarmannahelgina. Alltaf eru fjölbreytt tónlistaratriði á dagskrá í miðbæ Reykjavíkur. Í ár koma m.a. Birnir, Daniil, GDRN, Langi Seli og Skuggarnir, Sykur og Valdimar fram.

– Kotmót Hvítasunnukirkjunnar –

Kotmót er árlegt mót Hvítasunnukirkjunnar sem er haldið í Kirkjulækjarkoti í Fljótshlíð. Í ár verður sérstakt barnamót fyrir 5-12 ára krakka og aðalpredikari mótsins verður Daniel Karl-Olov Alm.

– Neistaflug í Neskaupstað –

Neistaflug er bæjarhátíð Neskaupstaðar og í ár eru 30 ár liðin frá fyrstu hátíðinni. Í ár kemur m.a. hljómsveitin Flott fram.

– Norðanpaunk –

Norðanpaunk er rokkhátíð haldin á Laugarbakka. Í ár koma m.a. Dödsrit, Kælan mikla, Sangre de muerdago, Múr og Ghostigital fram.

– Sæludagar KFUM og KFUK –

Sæludagar eru árleg fjölskylduhátíð KFUM og KFUMK í Vatnaskógi.

– Unglingalandsmót UMFÍ –

Unglingalandsmót UMFÍ er haldið á Sauðárkróki í ár. Mótið er vímuefnalaus fjölskylduhátíð þar sem börn og unglingar á aldrinum 11-18 ára keppa í alls kyns íþróttagreinum. Auk þess er boðið upp á fjölbreytta afþreyingu og skemmtun fyrir alla fjölskylduna.

– Verslunarmannahelgin á Úlfljótsvatni –

Á Úlfljótsvatni er boðið upp á ævintýralega fjölskyldudagskrá um Verslunarmannahelgina.

– Þjóðhátíð í Eyjum –

Þjóðhátíð þarf vart að kynna. Stærsta útihátíð ársins er haldin í í Herjólfsdal í Vestmannaeyjum um verslunarmannahelgina. Þau atriði sem þegar hafa verið tilkynnt eru; Bríet, Friðrik Dór, Klara Elias, Emmsjé Gauti, XXX Rottweiler, Una Torfa og Jón Ólafsson ásamt gestum.

11.-13. ágúst

– Act Alone –

Act Alone er einstök leiklistarhátíð á Suðureyri. í boði er leiklist, tónlist, myndlist, dans og ritlist.

– Fiskidagurinn mikli –

Fiskidagurinn mikli á Dalvík á stórafmæli í ár, en hátíðin er haldin í 20. sinn í ár.

– Grímsævintýri –

Grímsævintýri er sveitahátíð sem haldin er á Borg í Grímsnes- og Grafningshreppi. Hátíðin er haldin af Kvenfélagi Grímsneshrepps og alltaf er fjölbreytt dagskrá fyrir alla fjölskylduna. Frítt er inn á hátíðina og frítt í sund á meðan hátíðinni stendur.

– Hamingjan við Hafið –

Hamingjan við Hafið er fjölskylduhátíð í Þorlákshöfn þar sem hamingjan ræður ríkjum.

– Hinsegin dagar –

Á hinsegin dögum í Reykjavík er fjölbreytileika mannflórunnar fagnað. Alls kyns viðburðir í boði en aðalviðburður daganna er svo gleðigangan sjálf.

– Hvanneyrarhátíð –

Hvanneryarhátíð er haldin á Hvanneyri ár hvert. Í ár er hátíðin haldin laugardaginn 12. ágúst.

– Sumar á Selfossi –

Fjölskylduhátíð sem haldin er ár hvert á Selfossi. Á dagskrá í ár eru m.a. Jón Jónsson, samsöngur með Guðrúnu Árnýju, Stuðlabandið, Diljá, froðufjör, Ragga Gísla, Daníel Ágúst og margt fleira.

18.-20. ágúst

– Blómstrandi dagar –

Blómstrandi dagar er árleg bæjarhátíð Hvergerðinga.

– Fjölskyldudagar í Vogum –

Fjölskyldudagar í Vogum bjóða upp á skemmtun fyrir alla fjölskylduna. Í ár eru þrennir tónleikar, hoppukastalar, risa vatnsrennibraut, bubblubolti, lazer tag, axarkast og fleira skemmtilegt á dagskrá.

– Menningarnótt –

Það má segja að Menningarnótt sé eins konar bæjarhátíð Reykjavíkur. Ýmis viðburðir verða um allan bæ en að kvöldi laugardags eru stórir tónleikar niðri í bæ, ásamt flugeldasýningu.

– Reykhóladagar –

Bæjarhátíð Reykhólahrepps.

– Sveitasæla í Skagafirði –

Sveitasæla er landbúnaðarsýning og bændahátíð í Reiðhöllinni Svaðastöðum á Sauðárkróki. Þar verður véla- og fyrirtækjasýning, húsdýragarður og gleði.

– Töðugjöld –

Töðugjöld eru bæjarhátíðin í Rangárþingi ytra (Hella og nágrenni).

– Útsæðið –

Útsæðið er bæjarhátíð Eskifjarðar og er hátíð fyrir fjölskyldur þar sem gestir og gangandi koma saman og njóta samverunnar.

25.-27. ágúst

– Akureyrarvaka –

Dagskrá Akureyrarvöku verður auglýst þegar nær dregur.

– Blús milli fjalls og fjöru –

Blús milli fjalls og fjöru er blúshátíð þar sem ýmsir listamenn koma við fram. Hátíðin er haldin á Patreksfirði.

– Bæjarhátíð í Suðurnesjabæ –

Dagana 21.-27. ágúst verður Bæjarhátíð í Suðurnesjabæ haldin.

– Í túninu heima –

Bæjarhátíð Mosfellsbæjar. Hátíðin er sannkölluð fjölskylduhátíð þar sem allir ættu að finna eitthvað við sitt hæfi í fjölbreyttri dagskrá.

– Kjötsúpuhátíð –

Kjötsúpuhátíð er bæjarhátíð á Hvolsvelli þar sem fólk kemur saman og skemmtir sér.

September

1.-3 september

– Ljósanótt –

Ljósanótt er bæjarhátíð Reykjanesbæjar og alltaf er þar mikið um að vera.

15.-17. september

– Ormsteiti –

Ormsteiti er uppskeru- og menningarhátíð á Egilsstöðum og víðar um Fljótsdalshérað.

Ef þú hefur einhverjar ábendingar skaltu senda póst á heimilisvefurinn@heimilisvefurinn.is

Bæjarhátíðir sumarið 2023 Read More »

Skemmtileg tjaldsvæði fyrir fjölskyldur – á Norðurlandi

ferðalög, Fjölskyldan, innanlands

Skemmtileg tjaldsvæði fyrir fjölskyldur - á Norðurlandi

Þegar maí fer senn að ljúka heldur Heimilisvefurinn áfram ferð sinni um tjaldsvæði landsins og erum við nú stödd á Norðurlandi. Tjaldsvæðin voru valin eftir því hversu mikil skemmtun og afþreying er fyrir börnin í allra næsta nágrenni, helst á eða alveg við tjaldsvæðið sjálft (þó stundum séu gerðar smá undantekningar).

Hér eru þau tjaldsvæði á Norðurlandi sem okkur á Heimilisvefnum þótti hljóma mest spennandi fyrir fjölskyldur fyrir komandi útilegur í sumar. Þetta eru tjaldsvæði sem eru t.d. nálægt sundlaugum og skólum, tjaldsvæði sem hafa eitthvað alveg einstakt í næsta nágrenni við sig eða bjóða jafnvel upp á dagskrá.

12. Tjaldsvæðið á Sauðárkróki

Við hlið Sundlaugar Sauðárkróks er að finna ágætis tjaldsvæði með ærlsabelg fyrir krakkana. Stutt í alla helstu þjónustu.

11. Tjaldsvæðið á Raufarhöfn

Tjaldsvæðið á Raufarhöfn er vel staðsett hvað varðar afþreyingu, alveg upp við sundlaugina og grunnskólann. Þar að auki er tjörn alveg við tjaldsvæðið.

10. Tjaldsvæðið á Grenivík

Á Grenivík er tjaldsvæðið staðsett alveg við sundlaugina og grunnskólann og því er mjög stutt í sund og á góðan leikvöll.

9. Tjaldsvæðið á Hauganesi

Á tjaldsvæðinu á Hauganesi er fínasta aðstaða og þar er stutt í leikvöll fyrir krakkana með nýjum leiktækjum og í fallega sandfjöru með heitum pottum og sturtuaðstöðu.

8. Tjaldsvæðið í Varmahlíð

Tjaldsvæðið í Varmahlíð er gróið og fín svæði með ærslabelg fyrir krakkana. Í 250 metra fjarlægð er sundlaug og grunnskóli svo það er stutt að fara í sund og á góðan leikvöll.

7. Tjaldsvæðið á Dalvík

Á Dalvík er ágætis tjaldsvæði sem er staðsett við hlið sundlaugarinnar og grunnskólans í bænum. Þar er því góður leikvöllur og stutt í útisundlaug með rennibraut.

6. Tjaldsvæðið á Hrafnagili

Tjaldsvæðið Hrafnagili er mjög fjölskylduvænt tjaldsvæði og þar er leiksvæði fyri rbörnin við grunnskólann og góð útisundlaug með rennibraut.

5. Tjaldsvæðið á Hofsósi

Tjaldsvæðið á Hofsósi er ágætis tjaldsvæði sem er staðsett við hlið grunnskóla bæjarins og því er stutt á skemmtilegan leikvöll. Einnig er mjög stutt í eina glæsilegustu sundlaug landsins.

4. Tjaldsvæðið í Vaglaskógi

Tjaldsvæðið í Vaglaskógi skiptist í fimm mismunandi svæði. Á stærsta svæðinu, Hróarsstaðanesi, er mjög skemmtilegt leiksvæði fyrir börn þar sem m.a. er ærslabelgur og klifurpýramídi. Skógurinn sjálfur er svo ævintýri út af fyrir sig og auðvelt er að fara í skógarferðir vítt og breitt um Vaglaskóg af tjaldsvæðinu. Hægt er að fá göngustígakort hjá starfsfólki. Einnig verður að minnast á Tjaldsvæðið Systragil sem er skammt frá. Þar eru einnig leiktæki fyrir börn og stutt í skógarferðir í Vaglaskógi.

3. Tjaldsvæðið Ólafsfirði

Tjaldsvæðið í Ólafsfirði hefur allt sem þarf fyrir fjölskyldur. Á tjaldsvæðinu sjálfu er ærslabelgur fyrir krakkana. Sundlaug bæjarins er alveg við tjaldsvæðið og þar er ein stærri rennibraut og ein lítil fyrir yngri börnin. Grunnskóli Fjallabyggðar stendur þar rétt hjá og þar er fín skólalóð. Það sem gerir tjaldsvæðið mjög skemmtilegt er tjörnin, en þar er hægt að reyna að veiða síli eða gefa fuglunum brauð. Eini skíðastökkpallur landsins er einnig að finna fyrir ofan tjaldsvæðið.

2. Tjaldsvæðið Ásbyrgi

Tjaldsvæðið í þessari náttúruperlu er spennandi fyrir fjölskyldur því þar er í fyrsta lagi stutt í gríðarlega fallega náttúru. Það er leikvöllur á svæðinu og fjölbreytt dagskrá á sumrin, t.d. barnastundir, kvöldgöngur og varðeldur um verslunarmannahelgina.

1. Tjaldsvæðið Hömrum við Kjarnaskóg

Eitt glæsilegasta tjaldsvæði landsins er án efa á Hömrum við Kjarnaskóg. Fyrir utan mjög spennandi leiksvæði fyrir börn er einnig minigolfvöllur á svæðinu, þrjár mismunandi tjarnir, ein þar sem í boði er að leigja báta og róa á tjörninni, önnur sem er grunn tjörn til að vaða í og þar er líka þraut sem hægt er að spreyta sig á, í þriðju tjörninni eru leiktæki og rennibraut, risa fótboltaspil og frisbígolfvöllur. Auðvitað er svo skógur allt í kring og hægt að fara í alls kyns skemmtilegar gönguferðir frá tjaldsvæðinu.

Skemmtileg tjaldsvæði fyrir fjölskyldur – á Norðurlandi Read More »

Hvað er gott að taka með í útileguna?

ferðalög, Fjölskyldan, innanlands, Skipulag

Hvað er gott að taka með í útileguna?

Það er yndislegt að fara með fjölskyldu og/eða vinum í útilegu á Íslandi. Veðrið er kannski ekki alltaf að vinna með manni en minningarnar eru ómetanlegar. Það sem gerir útilegur líklegri til að verða vel heppnaðar er auvitað góður undirbúningur og réttur búnaður. Heimilisvefurinn hefur tekið saman lista yfir hluti og búnað sem gott er að taka með sér í útilegu á Íslandi. Það eru ekki allir hlutir á listanum bráðnauðsynlegir en margir gætu komið sér mjög vel. Þið finnið auðvitað út úr því sjálf hvað hentar fyrir ykkur.

Grunnurinn

Tjald og tjaldhælar

Bönd

Svefnpokar/sængur

Dýnur

Koddar

Teppi

Vasaljós

Vasahnífur

Límband/teip

Borð og stólar

Matreiðsla

Prímus

Ferðagrill

Kol og grillvökvi eða gaskútur

Grilláhöld og bakkar

Álpappír

Litlir plastpokar og ruslapokar

Eldspýtur eða kveikjari

Pottur og panna

Áhöld (t.d. Spaði, hnífur og sleif)

Hnífapör

Diskar, glös, bollar, skálar

Skæri

Skurðarbretti

Tappatogari eða dósaopnari

Vatnsflaska

Kælitaska

Matur/nesti

Matarolía/smjör

Salt, pipar og krydd

Kaffi og allt tengt því

Uppþvottalögur og bursti

Viskustykki og tuskur

Eldhúspappír

Ef ungt barn er með

Ferðarúm/burðarrúm

Svefnpoki/kerrupoki

Ferðakerra

Bleyjur

Snuð

White noise

Barnamatur

Blautþurrkur

Skiptitaskan

Leikföng (ekki of mikið)

Fatnaður

Hlý ullarnærföt

Bolir og stuttbuxur

Sundföt

Yfirhafnir (regnjakki, úlpa…)

Lopapeysa eða önnur hlý peysa

Góðir skór og sokkar

Náttföt

Húfa og vettlingar

Buxur og peysur

Nærföt

Hreinlæti o.fl.

Tannkrem og tannbursti

Sólarvörn

Blautþurrkur

Handklæði

Skyndihjálparkassi (plástrar o.fl.)

Ofnæmistöflur og lyf

Skordýrafæla

Handspritt

Rakvél

Kælikrem/after sun

Sjampó og hárnæring

Svitalyktareyðir

Dömubindi og tappar

Rakakrem

Annað

Hamar (fyrir tjaldhæla)

Lítill bakpoki/sundpokar

Afþreying (t.d. Bók, krossgátublað, tímarit, spilastokkur, kubbur, boltar, frisbídiskur, leikföng)

Sólgleraugu

Eyrnatappar

Kort/peningar

Ökuskírteini

Hleðslutæki

Sími

Myndavél

Fyrir þau sem finnst gott að fá lista til að prenta út er hér pdf-skjal með tékklista. Á listanum eru auðar línur svo hægt sé að bæta við hlutum á hann.

Hvað er gott að taka með í útileguna? Read More »

Skemmtileg tjaldsvæði fyrir fjölskyldur – á Vestfjörðum og Vesturlandi

ferðalög, Fjölskyldan, innanlands

Nú nálgast júnímánuður óðfluga og líklega er kominn ferðahugur í marga. Það er fátt skemmtilegra en að nýta íslenska sumarið í góða útilegu. Þau sem ætla sér að fara í útilegur í sumar, keyra jafnvel hringinn í kringum landið, eru sjálfsagt farin að velta því fyrir sér hvert þau ættu að fara og hvar þau ættu að tjalda. Tjaldsvæði á Íslandi eru orðin ótalmörg og eru misspennandi auðvitað.

Heimilisvefurinn hefur hér tekið saman lista yfir tjaldsvæði á Vestfjörðum og Vesturlandi sem gætu verið spennandi og skemmtileg fyrir fjölskyldur með börn með það í huga að þar er spenanndi afþreying í boði fyrir krakkana í allra næsta nágrenni. Þetta eru t.d. tjaldsvæði sem eru nálægt skólalóðum og sundlaugum eða öðru skemmtilegu sem gerir tjaldsvæðið sérlega spennandi eins og fjara og skógur.

15. Tjaldsvæðið í Bolungarvík

Í Bolungarvík er tjaldsvæðið staðsett alveg við sundlaug bæjarins (hún er með rennibraut) og þar skammt frá er einnig grunnskólinn. Það er því mjög stutt í sund og á góðan leikvöll. Hólsá rennur meðfram tjaldsvæðinu.

14. Hverinn, Kleppjárnsreykjum í Borgarfirði

Á Kleppjárnsreykjum í Borgarfirði er Hverinn, sem er notalegt tjaldsvæði í gróðursælu umhverfi. Tjaldsvæðið er staðsett við skóla og sundlaug, svo það er stutt í sund og á góðan leikvöll.

13. Laugar í Sælingsdal

Á Laugum í Sælingsdal er rekið hótel og tjaldsvæði. Góð sundlaug er á staðnum og leikvöllur fyrir krakkana. Lækur rennur í gegnum svæðið og góðar gönguleiðir eru allt í kring.

12. Tjaldsvæðið í Grundarfirði

Tjaldsvæðið í Grundarfirði er staðsett efst í bænum og er við grunnskólann og sundlaugina. Það er því stutt að komast í sund og að leika á skólalóðinni. Við tjaldsvæðið er einnig ærslabelgur og mjög stutt er í gönguleiðir í náttúrunni í kring.

11. Tjaldsvæðið á Þingeyri

Á Þingeyri er fínasta tjaldsvæði sem er staðsett við íþróttamiðstöð bæjarins. Í íþróttamiðstöðinni er innisundlaug, heitur pottur og sauna, við hann er svo strandblaksvöllur og ærslabelgur. Skammt frá tjaldsvæðinu er Víkingasvæðið á Þingeyri og þangað er gaman að kíkja.

10. Tjaldsvæðið á Tálknafirði

Tjaldsvæðið á Tálknafirði er staðsett við sundlaug og grunnskóla bæjarins. Það er því stutt að fara í mjög fína útisundlaug með vaðlaug og rennibraut og að leika á skólalóðinni.

9. Tjaldsvæðið á Ísafirði

Tjaldsvæðið á Ísafirði er stað sett í hinum gróna og skjólsæla Tungudal. Á tjaldsvæðinu er leiksvæði fyrir börn en það sem gerir tjaldsvæðið sérstakt er náttúran í kring. Skammt frá tjaldsvæðinu er skógrækt bæjarins og þar er hægt að fara í ævintýraferðir í skóginum. Við skóginn rennur svo Bunárfoss sem gaman er að skoða.

8. Tjaldsvæðið á Borðeyri

Borðeyri er eitt minnsta þorp á Íslandi og þar er þetta fína tjaldsvæði sem er staðsett við sjóinn og því er mjög stutt að fara í fjöruferð. Skammt frá er einnig grunnskólahús sveitarinnar og þar er ágætis leikvöllur.

7. Bjarteyjarsandur

Tjaldsvæðið á Bjarteyjarsandi er skjólgott og þar er að finna leikvöll fyrir börnin og margar gönguleiðir eru í nágrenninu. En það sem gerir þetta tjaldsvæði sérlega skemmtilegt er að það að þar er hægt að fá skoðunarferð um bóndabæinn.

6. Tjaldsvæðið í Súðavík

Tjaldsvæðið í Súðavík er kannski frekar venjulegt tjaldsvæði að mörgu leiti en það kemst á þennan lista vegna þess að í einungis fimm mínútna göngufjarlægð er Raggagarður. En Raggagarður er stór leikvöllur fyrir börn með mjög spennandi leiktækjum.

5. Tjaldsvæðið Djúpadal

Í Djúpadal er rekin bændagisting og þar er hægt að rekast á heimalinga og hunda í túninu. Á svæðinu er leikvöllur fyrir börn og ærslabelgur. Lítil innilaug og heitir pottar á palli eru í Djúpadal og skemmtilegar gönguleiðir eru í nágrenninu.

4. Tjaldsvæðið á Melanesi á Rauðasandi

Á tjaldsvæðinu á Melanesi á Rauðasandi er vissulega leikvöllur en hann er svo sannarlega ekki ástæða þess að tjaldsvæðið kemst á þennan lista. Tjaldsvæðið er nefnilega staðsett alveg við sandinn rauða og fagra. Þarf að segja meira?

3. Tjaldsvæðið í Húsafelli

Tjaldsvæðið í Húsafellsskógi er í göngufæri við sundlaug og skemmtileg leiktæki, m.a. ærslabelg. Á laugardagskvöldum yfir hásumarið er tendraður varðeldur ef veður leyfir. Í tjaldmiðstöðinni er líka hægt að leigja bolta og kubbaspil.

2. Tjaldsvæðið í Heydal í Mjóafirði

Að koma í Heydal í Mjóafirði er ævintýri líkast. Heydalur er skjólsæll dalur og þar er hótel ásamt tjaldsvæði og veitingastað. Á tjaldsvæðinu er leikvöllur fyrir börn en einnig er mjög skemmtileg sundlaug á svæðinu og er hún staðsett í gömlum uppgerðum fjárhúsum ásamt því að þar eru heitir pottar og náttúrulaug. Náttúran er allt í kring og skemmtilegar gönguferðir eru í nágrenninu og boðið er upp á hestaleigu á hótelinu og sömuleiðis er hægt að leigja kajaka. Síðast en ekki síst er talandi páfagaukur á staðnum!

1. Fossatún í Borgarfirði

Á Fossatúni er nokkuð sérstakt tjaldsvæði því þar er Tröllagarðurinn, sem er göngu-, leik- og útivistarsvæði fyrir fjölskyldur. Þar er hægt að fara í alls kyns tröllaleiki, leika sér á leikvellinum, fara í mini golf og margt fleira. Mjög mikil afþreying er þarna í boði fyrir krakkana.

Skemmtileg tjaldsvæði fyrir fjölskyldur – á Vestfjörðum og Vesturlandi Read More »

Sjómannadagurinn 2023 – Hvað er um að vera og hvað er hægt að gera?

Fjölskyldan, hátíðir, Merkisdagar, samvera

Sjómannadagurinn er haldinn hátíðlegur fyrsta sunnudag í júní hvert ár, nema ef hvítasunnu ber upp þann dag og er þá sjómannadagurinn haldinn helgina eftir. Í ár verður sjómannadagurinn haldinn hátiðlegur þann 4. júní. Sjómannadagurinn var fyrst haldinn þann 6. júní árið 1938 í Reykjavík og á Ísafirði en það var ekki fyrr en 1987 sem dagurinn varð lögskipaður frídagur sjómanna.

Á sjómannadaginn heiðrum við sjómenn. Ísland er eyja og því haf allt í kringum okkur. Í gegnum aldinar hefur hafið gefið og tekið frá okkur. Hafið hefur haldið í okkur lífinu hér á þessu hrjóstuga landi lengst í norðri og stuðlað að velmegun íslensks samfélags.

Víða um land er sjómannadagurinn haldinn hátíðlegur með skemmtilegri dagskrá fyrir alla fjölskylduna. Það er tilvalið að skella sér á einhverra þeirra ef tækifæri gefst. Heimilisvefurinn hefur tekið saman lista yfir bæi þar sem sjómannadagurinn verður haldinn hátíðlegur í ár:

Ef þú sérð að einhvern bæinn vantar skaltu endilega hafa samband og láta okkur vita á heimilisvefurinn@heimilisvefurinn.is

Fyrir þau sem komast ekki á sjómannadagsskemmtanir eða langar að gera meira þá er auðvitað mjög gaman að skella sér í fjöruferð. Ef það er heldur ekki í boði eru hér nokkrar hugmyndri að einhverju sjómannalegu til að dunda við inni.

Heimilisvefurinn býður upp á ókeypis skemmtihefti fyrir börn með sjávar- og sjómannadagsþema. Hægt er að ná í það hér.

Svo er gaman að perla, leira eða teikna eitthvað tengt sjónum.

Enn fleiri hugmyndir er hægt að finna á pinterestsíðu Heimilisvefsins.

Góða skemmtun!

Sjómannadagurinn 2023 – Hvað er um að vera og hvað er hægt að gera? Read More »